الثلاثاء، 24 يوليو، 2012

مذكرات فراولة VS يوميات كاتبة فاشلة جدا




)2X

المقدمة

حيحصل ايه لو خلطنا الواقع بالخيال؟ سؤال بيلح عليا اليومين دول ... وانا مش اول حد افكر فيه ...البشرية كلها فكرت فيه ... في ناس شافوا ان النتيجة حتكون اللخبطة و الفشل ... وناس شافوا ان النتيجة حتكون اختراعات عظيمة حتاثر في مستقبل البشرية ... كل واحد فينا له راي في المسالة دي ...

انا بقى شايفة اننا لو خلطنا الخيال بالواقع حنخلق حياة ... حياة بنشوف فيها واقعنا بحلوه و بمره .... بنشوف فيها كل الحقايق وفي نفس الوقت بندي فرصة لخيالنا يرسم طموحاتنا واحلامنا بخطوط مخفية مش موجودة الا في دماغنا...  بس احنا حاسيين اننا شايفينها بعنينا ...و ممكن نحققها لو تمسكنا بيها ...

 انا بقى النهاردة جيالكم و جايبة الخلطة السرية ... حخلط الخيال بالحقيقة ... الحلم بالواقع ... بس مش حخلطهم اوي يعني ... انا ححط احلام و طموحات ملكي بين ايديكم ... احاسيس و مشاعر عندي فعلا ... و ححكيلكم عن احداث حقيقية بتحصلي و احداث بتخيلها لاني حساها بس مش بتحصل ...و حلخبط كل ده على بعضه و اطلع منه حكايتين ... حنقراهم سوا خلال الفترة اللي جاية ...

بس متتخيلوش انكم ممكن تعرفوا فين الحقيقة وفين الخيال ... حلخبطكم شوية يعني ... بس اهم حاجة اني اوعدكم على اد  ما اقدر ... اخليكم تشوفوا حياة كاملة بحقايقها و خيالها و احداثها اللي حصلت ... واللي محصلتش ... واللي كنت اتمنى انها تحصل ... 

بس انا مش حتكلم على فكرة ولا ححكيلكم حاجة بنفسي ... اللي حيحكي هي فراولة ... حتكلمكم عن نفسها ... و حتوريكم كمان اللي بيحصل مع الانسة (م) اللي حتعرفكم عليها من خلال مذكراتهم هما الاتنين ... وكالعادة ربنا يستر




هناك 7 تعليقات:

  1. اعتقد فراولة المتنكرة في الانسة [ م ] هاتدينا جرعة خيال كلنا محتاجينها ونفسنا فيها - نفك قيوم الروتين اليومي اللي بنعيشه كل يوم - بتحبي الغموض اوي انتي واحنا بنحب ما يكتبه غموضك
    كلنا في الانتظار
    كل سنة وانتي طيبة وقولي للانسة [ م ] متتاخرش
    تحياتي

    ردحذف
    الردود
    1. لا لا لا لا
      مش تخلط بين الاتنين فراولة لازالت فراولة
      و الانسة (م) دي صاحبتها بس بالنسبة للاحداث اللي حيحكوها ..... مش ححرق الاحداث مع اول حلقة حتعرفوا كل حاجة اكتر
      ميرسي على ردك الجميل ويا رب ديما منورني :)

      حذف
  2. ربنا يستر يا فرولة انا منتظر

    ردحذف
    الردود
    1. غالبا بكرة اول حلقة استناني بقى :)

      حذف
  3. ممممممممممممم
    طيب بقى أنا مستنية أنا أصلى بحب فراولة اووووى
    وبحب حكايتها

    مستنية بقى بفااااااااااااارغ الصبر
    :)))

    ردحذف
    الردود
    1. خلاص هي جاية اهيه مش حتتاخر :)

      حذف