السبت، 29 سبتمبر، 2012

حكاية يأس





جسد فاضي من غير روح
حتى الضحكة بصوت مجروح
ايام تعيشها علشان تفوت
بتعد اللحظة علشان تموت
كانت تحلم بيوم 
دلوقتي الاحلام هموم 
كان حلمها حكاية
مستنية النهاية
قلب عجوز ووش شباب
شعر اسود وحلم شاب
سنين احزان و يومين فرح
حمل تقيل قلب انجرح
في الحكايات متكررة
بس عيشتها متمررة
مهما حلفت بانك حاسس
ديما احساسك ناقص
اللي عايش وسط النار
مش زي اللي حاميه الدار
و اللي بيبكي قلبه الدم
مش زي اللي شافه في فيلم
متقولش انك حاسس بيها
كدبك حيزودلها هم

هناك 5 تعليقات:

  1. صباح الغاردينيا منمونة
    مؤلمة جداً حين نحيا شبه آموات تنكسر فينا الأحلام وتذبل الأمنيات "
    ؛؛
    ؛
    وحشتيني ياجميلة
    لروحك عبق الغاردينيا
    كانت هنا
    reemaas

    ردحذف
  2. أبلغ تعبير بجد عن الحالة الحالية .. جابت من الآخر يعني .. أنتي صح :)

    ردحذف
  3. قلب عجوز ووش شباب
    شعر اسود وحلم شاب
    ..
    رغم ان القصيدة بتعبر عن حالة يأس،بس جه التعبير عنها جميل جدا ومطابق للحالة إلى حد التمام..
    كل التحية.

    ردحذف
  4. جوايا كلام كتير ويجي ميت سؤال
    ليه الحزن جوايا عامل زي الجبال
    كل ما ادواي جرح يتولد غيره في الحال

    رغم اني مش بحب اقرالك حاجة فيها قسوة والم الا ان دايما الابداع يخرج من رحم المعاناه
    تحياتي واحترامي لقلمك الرائع
    تقبلي مروري

    ردحذف
  5. كلمات جميلة

    تسلم ايدك

    ادعوكى لحضور حفل توقيع ديوانى الاول ويسعدنى حضورك

    التفاصيل فى المدونة عندى

    مع خالص تحياتى

    ردحذف