الاثنين، 11 فبراير، 2013

من ذكريات 25 يناير اللي فات




"الحرية والعدالة" يشارك "جماعة الاخوان" في احياء ذكرى يناير

ده كان احدى عناوين الصحف خلال الفترة السابقة لذكرى ثورة يناير
بغض النظر عن موقف جماعة الاخوان من ثورة 25 يناير اللي رفضوا المشاركة فيها حتى بداية الاعتصام يوم 28 يناير (جمعة الغضب).
و بغض النظر عن تصريحات الاخ "المرسي" المتحدث الاعلامي لحزب الحرية والعدالة و اللي افادت ان "الجماعة" هي القوة الوحيدة اللي شاركت في الثورة!!!!
و بعيداً عن الاسلوب الذي ستتبعه الجماعة في الاحتفال بالثورة (توفير منتجات بسعر الجملة و اراهن انها تكون زيت و سكر –تقريبا كده ده حيكون احتفال بالنتائج الانتخابية خلال السنة اللي فاتت مش بالثورة نفسها-)
انا بقى في كل ده موقفنيش غير حاجة واحدة بس.
ان من صرح بمشاركة الحزب للجماعة هو د.محمد سعد الكتاتني (رئيس الهيئة العليا للحزب ) و عضو بجماعة الاخوان المسلمين
يعني حزب الحرية و العدالة (الجناح السياسي لجماعة الاخوان) وافق بقرار احد اعضاء الحزب و الجماعة
على مشاركة (الجماعة) باحتفال بثورة مكنتش الجماعة موافقة عليها من الاول اصلا.
وهنا يحضرني مقولة الفنان الجميل "سعيد صالح" :
" لا ما انا كنت معايا!!!!"

هناك تعليق واحد:

  1. يا جماعة احنا فاهمين الاخوان غلط .. هما بس بيحبوا يغيروا نظامهم من وقت للتانى ، شوية مع الثورة وشوية ضدها ، التغيير حلو للصحة برضه

    ردحذف