الأحد، 3 فبراير، 2013

جنب الحيط



الحياة مليانة ناس
فيها الحلو والوحش
فيها الطيب و الشرير
فيها البريء والخبيث
فيها المية مية
و فيها النص نص
من كل صنف و لون 
و انت ماشي تقابل
بهوات على صعاليك 
هوانم و ستات بيت
ناس شقيانة وطالع عينها
و ناس هم اللي مطلعين عينا
واللي اتولد بمعلقة دهب و حرير
وفي كمان اللي ملقاش الخيش
ووسط كل دول
ممكن تلاقي ناس زي قليتها
لا بتزود ولا تنقص
لحال غيرها تبص
اهي دي النص نص 
بتحقد بس على خلق الله
على النقمة قبل النعمة باصين
و حد في حاله مش سايبين
العالم دي لا بحبها ولا بكرهها
انا بس بيصعبوا عليا 
علشن مرمين وسط الناس و ملهمش قيمة
وكتير اوي ابقى نفسي ابوسهم
واركنهم جنب الحيط


هناك 7 تعليقات:

  1. والدنيا لن تخلو يوماً من كل هؤلاء ..
    دمت بألف خير أختي منة ..
    مع التحية الطيبة ..

    ردحذف
    الردود
    1. دمت بخير :)
      شرفني ردك :)

      حذف
  2. الردود
    1. يا لهوي شعبي :O
      دانا اولع في المدونة كلها

      حذف
  3. لأن الدنيا إيه غير كل الناس دي على بعض.
    عجبتني :)

    ردحذف
    الردود
    1. ميرسي جدا ليكي يا جميل شرفني ردك :)

      حذف
  4. ما ابسط هذا الوصف احسنتىمن اعلى لاعلى ان شاء الله

    ردحذف