الاثنين، 4 فبراير، 2013

ربك كبير



متحسبهاش ... الدنيا اصلا مش للحسابين
الدنيا مش بتدي اللي بيتكل عليها... لكن لما تتكل على اللي خلقها هو بيجبرها تديك و من غير حساب كمان
طول عمري لما احسبها و اخاف على اي حاجة تروح مني بتروح فعلا
كل ما اسيب الحاجات اللي بحبها في ايد ربنا بيحفظهالي
لما بستنى رزق و اجري وراه و اتمسك بيه عمره ما بيجي
ولما بارضى باللي ربنا بيبعته بيكفي و يزيد
بحاول اسعى ديما للي يخليني اتقدم واكبر ومستناش نتيجة بزعل لو فشلت بس بتاكد ان ربنا لسة شايلي مفاجأت حلوة حتعوضني
مهما عدى من عمرك مدام عمرك مخلصش اكيد في امل يبقى في احسن بس انت اصبر و قول يا رب وهو مش حيضيعك
متقولش اعمل الخير وارميه البحر 
اعمل الخير واستودعه عند من لا يضيع ودائعه 
هو حيجازيك الخير اضعاف 
حب كل الناس
و مش تثق الا في ربنا
متخونش حد و تقول كلهم خاينين
متظلمش حد و تقول ده زمن الظلم
ماهو مش حيسيب حق اللي انت خونته او ظلمته من غير ما يحاسبك عليه
مهما كبر همك
ربك اكبر مش حيسيبك فيه لوحدك حيليه يعدي و تفضل انت في الاخر اقوى 
مهما حلمك كان صعب
ربنا اعظم من ان تستصعب عليه اي حاجة و اقدر انه يحققلك كل احلامك
مهما كان طريقك طويل
ربنا افضل رفيق ليك بس انت متبعدش عنه خليك قريب من طريقه علشان متحسش انك لوحدك
ربك كبير
كبير اوي 
و منظم كون بحاله
متتخيلش انه حينسى ينظملك حالك و يدبر امورك
بس انت ثق فيه و سيب الحمل و هو حيساعدك تكمل للاخر

هناك 7 تعليقات:

  1. ربك مجيب كريم ما بيرفضش الطلب
    بس انت روحله خطوة هايجيلك خطوتين

    في فرق كبير بين التوكل والتواكل
    اتوكل على الله واستخير فى كل اعمالى فربنا يوجهنى صح .. حتى لو حصل حاجه بعد كدا ببقى متأكد ان دى اراده ربنا وربنا مش رايدلى الا الخير

    مساء الامل بقى :)

    ردحذف
    الردود
    1. مساء الفراولة نورت المدونة ^_^

      حذف
  2. بجد جميلة جدا كلماتك يا منة.
    تحمل في طياتها فلسفة الأمل والتفاؤل الممزوج بالثقة بالله.
    هذا طبعا بالإضافة لتنويهك لجزئية هامة جدا وهي إدعاء البعض أنهم ضحايا رغم أنهم بشكل من الأشكال جناة. والأهم لا تنظر لمقدار سوء ما حولك بل لمقدار ما يمكن ان تقدمه من حسن يساعد في محوه.
    ..
    تحياتي.

    ردحذف
    الردود
    1. ميرسي يا احمد
      و شرفني ردك يا فنان :)

      حذف