السبت، 9 فبراير، 2013

بلا رجل







لا تختصروني وتختذلوني في صورة امراة مصيرها الزواج ولا اكثر
انا انثى ان لم احمل يوما طفل فانا احمل فكر قد يبدل تاريخ الارض
انا انسان لا يفشل لمجرد انه خلق بلا شريك
انا احمل حضارة انسانية متمردة
لا تنتهى عند اعتاب باب الرجال
وانما تمتد الي ما خلف البحار والجبال
انا حضارة الاجيال قادمة
انا تاريخ الامة البعيد
لا تقف امامي ويكون دعائك الوحيد ان يكون لي رجل
فانا احيا بلا رجل
انا احيا قبل هذا الرجل
وسوف احيا بعد هذا الرجل
انا ابقى رغم الفراق
انا ابقى من الفراق
انا الحياة تتوهج فوق رؤوس الاحياء
تاج النجاح ينير الطريق
انا الثقافة , الحضارة, العلم, الحب ,الحياة, والموت
مني تبدأ الرحلة والي تعود
انا امرأة بدونكم او بكم
و لسوف اكون دائما انا بلا نقصان
حتى بلا رجل
فلا تحكمون حولي عقدكم الذكورية فتروني دائماً وحيدة بدونكم
لقدسئمت العابكم السخيفة و غروركم الساذج
الا ترون اني لا انجح ولا اودع الالم الا بدونكم
فارحلوا او انتظروا لكن بعيدين عن طريق حياتي
فهو ملكي
انا وحدي

هناك 15 تعليقًا:

  1. معلش هو انا تعليقى هيبقى كبير شوية بس لازم تقرأيه كله ولأخره هو أنا مش هكتبه بس هديكى اللينك بتاعه عشان اقولك نهاية الكلام كله
    http://moraheq7akem.blogspot.com/2012/06/blog-post_23.html

    ردحذف
    الردود
    1. هو انت اتكلمت كلام كويس بس مش هو ده لب الموضوع انا مش بدافع عن قضية قوة المرآة او ضعفها اد ما هو رد على الناس اللي متخيلة ان الست اتخلقت للبيت والجواز و بس وغير كده تبقى فاشلة
      هم اصلا اللي فشلوا يفكروا ويكونوا موضوعيين
      و قريب بامر الله حيكون في موضوع اكبر افرد فيه الموضوع بدراسة و نمازجج تاريخية موثقة
      اشكرك على الاهتمام و الرد :)

      حذف
  2. الردود
    1. احل حاجة في المدونة دي بجد ابتسامتك و ردودك الجميلة منوراني و مشرفاني ديما يا رب :)

      حذف
  3. عندك حق بس برضوا هيفضل في احساس جوا البني آدم مش مريحه
    حلوة:)

    ردحذف
    الردود
    1. لو استسلمتي لاحساس انك كائن ناقص و محتاجة حد يكملك هو ده اللي بيجيب عدم الراحة
      الوحدة متعبة اكيد بس لو الانسان فكر شوية وسال نفسه هو ليه ربنا جعله وحيد و عرف الحكمة ربنا منن وراء القدر ده اكيد حيرتاح
      برضه الراجل اللي مبيتجوزش او بيعيش وحيد بيبقى متضايق و مش مرتاح بس الفرق ان المجتمع مش بيبصله على انه فاشل بدليل انهم مش بيدوه اي لقب مخزي زي لقب عانس مثلا زي ما بيعملوا معانا
      دي في حد ذاتها عنصرية ضدنا و حكم عاجز لا المتجوزة ناجحة ولا العزباء فاشلة الانسان الناجح هو اللي بيحقق ذاته و احلامه و يكبرها والانسان الفاشل هو اللي بيستسلم لنظرة المجتمع المكسورة ليه و مبيحولش يعدلها
      نورتيني يا سومة كالعادة :)

      حذف
  4. الزواج هو سنه الحياه .. ربنا خلقنا لنكون أزواجها متآلفه
    لكن لو الولد او البنت ماتجوزوش مش هايموتو يعني .. في حاجات كتير في الحياه ساعات بتبقى أهم من الجواز

    هو ليه كدا :D ؟؟؟

    ردحذف
    الردود
    1. صح بالظبط زي ما بتقول تمام
      الزواج سنة الحياة
      سنة مش فرض يعني D=
      ايه الفرض بقى؟ العمل والاجتهاد و انك يبقالك رسالة في الحياة لو الزواج والبيت والاولاد بس هم كل الرسائل اللي ربنا خلقنا علشان نؤديها يبقى مكنش ربنا خلق ناس في الدنيا بدون شركاء او ازواج
      مكناش شوفنا واحدة مش متجوزة او واحد عاش و مات وحيد
      ماهو ربنا مش بيخلق حد من غير سبب او ملوش وظيفة في الحياة وارجع واقول الانسان الناجح مش اللي ربنا قسمله شريك في الحياة الانسان الناجح هو اللي بيبني حياته صح والفاشل هو اللي بيستسلم للنصيب و يعتبر نفسه فشل انه ينجح من غير حتى ما يحاول
      نورت المدونة :)

      حذف
  5. اكره نظرة الناس للبنت انها دايما ناقصها حاجة الى ان يتم الزواج و كانه هو النجاح الوحيد في حياتها يقصرون وجودها على انها نصف وليست كل
    رائع جدا :)
    تحياتي

    ردحذف
    الردود
    1. بالظبط هو ده اللي عاوزة اوصله
      الرائع هو وجودك و تشريفك للمدونة وردودك الجميلة :)
      اشكرك :)

      حذف
  6. روووووووووعة يا رحاب
    ولو اني أنتقد فيها نقطة واحدة
    كوني امرأ تعتز بنفسها ... كوني امرأة صنعت التاريخ ... كوني امرأة جسدت معنى الحضارة في داخلها هذا لا يعني أنها فعلت هذا بمفردها ..فمعظم عباقرة الرجال الذين غيروا مجرى التاريخ كان وراءهم امرأة عظيمة حقا وليس مجازاً
    المرأة هي عصب الحياة هذه حقيقة لكنها أبدا لم تفعل هذا منفردة .. لقد كان دور المرأة في الحياة أكثر نفعا حينما كانت أما حقيقية وزوجة حقيقية وأنثى حقيقية
    مع خالص تقديري واحترامي

    ردحذف
    الردود
    1. اولا انا مش رحاب بس انتي منورة على فكرة :)
      وانا مبنكرش ان الرجال ليهم دور كبير في التاريخ والحضارة بس نادرا لما تلاقي دور المرآة مهمش في تاريخ اعظم رجال التاريخ وكمان ممكن نشوف ان في سيدات كانت مؤثرة جدا في صناعة التاريخ والحضارات
      بس انا بقول ان الست اللي متجوزتش مش معنى كده انها غير ذات قيمة في سيدات حرمن من الزواج والامومة ومع ذالك كانوا قمة من قمم اللي التاريخ حيظل يشير لهم و عمره ما حيتجاهلهم والامثلة كتير وان لم يكن ههناك مجال لسردها جميعا في الرد هنا بس بامر الله حيكون ليها مساحة كافية لسرد الشخصيات النسائية المؤثرة في تاريخ الامم
      اشكرك على الرد والاهتمام :)

      حذف
  7. تمرد المرأة وشعورها بكيانها حق أصيل . ولكن إلغاء الرجل أو فكرة الرجل في حياة إمرأة من أجل أن رجل خدعها أو خانها أو أذاها بشكل ما هو موضوع خطير .
    المرأة التي تترك الزواج من أجل تفرغ لقضية ما هي إمرأة عظيمة ولكن ظلمت نفسها وهضمت حقها في حياة أسرية تنعم فيها بالأمومة .

    كلامك جميل وأسلوب أقوى بيتطور مع كل مرة بتابع فيها .. تقبلي مروري

    ردحذف
  8. هوا دا الكلام الصح ... تسلمى يا فراولة ^_^

    ردحذف
  9. المجتمع دائماً يلف حول المرأه سياجاً من حديد ويتخيل إنه سوف تكون سعيدة عندما يأتي رجلاً ويحررها منه لكي يتزوجها وعندما تتزوج سوف يكون عليها هي وحدها أن تحرر نفسها من سياجاً أخر وهي أن تنجب وأن لم تنجب سوف يخنقها سياج المجتمع:)

    جميل جداً:)

    ردحذف